«Збег абставін»: беларусы абурыліся пандусам, які адваліўся ў менскім аўтобусе

Транспартнікі паспрабавалі апраўдацца.

У TikTok з'явілася відэа: кіроўца гарадскога аўтобуса № 119С у Менску паспрабаваў адкрыць апарэль - адкідны пандус для людзей з інваліднасцю, аднак пляцоўка зламалася. Прадпрыемства «Мінсктранс» паспрабавала апраўдацца ў адказ на крытыку і патлумачыла здарэнне збегам абставін, паведамляе агенцтва «Минск-Новости».

Відэа, якое набрала больш за 3 млн праглядаў, выклаў 9 траўня блогер dvornik_den. Разам са знаёмым калясачнікам маладзён надумаў скарыстацца грамадскім транспартам, аднак калі на прыпынку кірпоўца аўтобуса паспрабаваў адкрыць пандус, той проста зламаўся. Пазней стала вядома, што відавочцы дапамаглі менчаніну з інваліднасцю патрапіць у салон і пакінуць яго на патрэбным прыпынку.

Большасць каментатараў мяркуюць, што прэтэнзій да кіроўцы быць не павінна: кожная тэхніка можа выйсці з ладу. А вось механікі прадпрыемства абавязаныя больш уважліва ставіцца да выпуску транспарту на лінію.

Сам блогер растлумачыў у каментарах, што таксама не вінаваціць кіроўцу: «Падзякаваў яму за працу, папрасіў не забыцца паведаміць аб праблеме з пандусам у гэтым аўтобусе каму трэба».

У «Мінсктрансе» заявілі, што інцыдэнт стаў збегам абставін:

- На кожным планавым тэхабслугоўванні праводзіцца праверка спраўнасці апарэляў, у тым ліку на аўтобусе на відэа. У гэтым выпадку пры адкрыцці апарэлі вырвала пятлю мацавання, - паведамілі на прадпрыемстве.

Там паабяцалі ліквідаваць паломку, а спецыялісты дадаткова агледзяць грамадскі транспарт, каб выключыць такія інцыдэнты.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com