Абгарэлы на канцэрце Філіп Кіркораў упершыню пракаментаваў сваё здароўе

Але расейцы яму не паверылі.

Пуцініст Філіп Кіркораў упершыню выйшаў на сувязь з публікай пасля працяглай паўзы, звязанай з яго станам здароўя. Артыст, які ў красавіку атрымаў сур'ёзныя апёкі падчас канцэрта ў Санкт-Пецярбургу праз правал піратэхнікі, даў каментар журналістам і запэўніў, што ўжо амаль ачуняў. Аднак рэакцыя публікі апынулася скептычнай - у сацсетках яго з'яўленне назвалі трывожным, а рухі на сцэне - млявымі і няўпэўненымі, піша OBOZ.UA.

Адразу пасля інцыдэнту спеваку давялося скасаваць гастролі на поўдні Расеі. Лекары выявілі ў яго запаленне суставаў, частковы некроз скуры і лімфадэнапатыю. Гаенне праходзіла складана праз наяўнасць цукровага дыябету. Яго піяр-дырэктарка Кацярына Успенская тады паведаміла, што Кіркораў часова спыняе ўсю дзейнасць і бярэ адпачынак «па стане здароўя». Артыст знік з публічнай прасторы на некалькі тыдняў, а яго стан апісвалі як «крытычны».

«Усё добра. Рука ўсё адно баліць, вядома, але, агулам, усё выдатна. Мы будзем жыць, мы не памром», – сказаў Кіркораў расмедыям. Ён дадаў, што «раны ўпрыгожваюць сапраўднага артыста, асабліва калі гэта мужчына».

Пасля шпіталізацыі Кіркораў толькі раз з'явіўся на публіцы - 7 чэрвеня на прапагандысцкай прэміі МУЗ-ТБ, дзе ледзь рухаўся і трымаўся за спадарожніцу. А нядаўна спявак вярнуўся на сцэну з выступам у Ташкенце, аднак уражанне ён зрабіў не трыумфальнае, а панурае. У сеціве з'явіліся відэа, дзе артыст выконвае хіт «Дзіва», стоячы амаль нерухома. Расейцы пісалі, што Кіркораў ледзь стаіць на нагах, выглядае змардаваным, рухаецца з прыкметным намаганнем.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com