У расейскім порце Усць-Луга адбылася ўцечка аміяку на танкеры

Прычынай стаў нейкі "інцыдэнт падчас пагрузачна-разгрузачных работ".

У найбуйнейшым марскім порце на Балтыцы Усць-Луга адбылася ўцечка вадкага аміяку на танкеры "Эка Візард", паведаміў Мінтранс Расеі. Прычынай стаў нейкі "інцыдэнт падчас пагрузачна-разгрузачных работ".

23 сябры экіпажу былі эвакуяваныя. Сцвярджаецца, што пацярпелых няма. Ведамства назвала ўцечку "нязначнай", аднак правяло аператыўную нараду ў гэтым пытанні пад старшынствам кіраўніка Мінтранса Рамана Старавойта. Аварыйныя службы тэрмінала займаюцца ліквідацыяй наступстваў здарэння, таксама судна павінны агледзець вадалазы.

Крыніца партала 78.ru паведаміла, што ў порце Усць-Луга адбылася разгерметызацыя танкера з аміякам, у выніку паліва апынулася ў заліве. Паводле звестак суразмоўцы выдання, у якасці прычыны разглядаецца "замежнае ўздзеянне". Губернатар Ленінградскай вобласці Аляксандр Драздзенка запэўніў, што пагрозы людзям і навакольнаму асяроддзю няма: экалагічныя паказчыкі знаходзяцца ў межах дапушчальнай канцэнтрацыі. З ягоных слоў, спецыялісты сабралі аміяк, не дапусціўшы рассейвання рэчыва ў атмасферы. Драздзенка дадаў, што праводзіцца праверка прычын інцыдэнту.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com