Расея – баласт для БРІКС

У РНБА Украіны рэзка прайшліся па новых фантазіях Пуціна.

Расейскі дыктатар Пуцін падчас выступу на саміце БРІКС выдаў чарговыя фэйкавыя сцвярджэнні. Ён нафантазіяваў «эканамічную перавагу» БРІКС над G7.

Пра гэта заявіў кіраўнік Цэнтра процідзеяння дэзынфармацыі пры Радзе нацыянальнай бяспекі і абароны Украіны Андрэй Каваленка ў Telegram.

Каваленка нагадаў, што Пуцін не прыехаў на саміт БРІКС у Бразілію, бо баіцца арышту. Пры гэтым лідар Кітая Сі Цзіньпін «нават не зрабіў выгляд, што яму цікава». У цэнтры ўвагі саміту засталіся празаходнія прэзідэнт Бразіліі Лула да Сілва і прэм'ер Індыі Нарэндра Модзі.

Кіраўнік Крамля выступіў на саміце праз відэасувязь і расказаў пра «крах ліберальнай глабалізацыі» і «эканамічную перавагу БРІКС над G7».

– Але рэч у тым, што ў намінальным ВУП краіны БРІКС адстаюць больш як удвая. І больш за 60% гэтай эканомікі – гэта адзін Кітай. Расея ж у гэтай кааліцыі – баласт, – звярнуў увагу кіраўнік ЦПД.

Ён удакладніў, што БРІКС не стаў «антызаходняй воссю». А Расея не стала лідаркай Глабальнага Поўдня. Яна застаецца «сыравінным прыдаткам для Пекіна, які і далей гандлюецца з Захадам за выгадны баланс».

Варта заўважыць, што саміт БРІКС праходзіць у Бразіліі 6–7 ліпеня.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com