Арыштаваны экс-намеснік кіраўніка Расгвардыі Віктар Стрыгуноў

Яго абвінавачваюць у злоўжыванні службовымі паўнамоцтвамі.

Следчы камітэт Расеі 7 ліпеня паведаміў пра арышт былога першага намесніка кіраўніка Расгвардыі генерал-палкоўніка Віктара Стрыгунова.

Як паведамляе «Радыё Свабода» са спасылкай на ўстанову, яго абвінавачваюць у злоўжыванні службовымі паўнамоцтвамі і атрыманні хабару асабліва буйнога памеру. Стрыгуноў накіраваны ў СІЗА. Калі менавіта ён быў затрыманы, не паведамляецца.

Крымінальная справа, як вынікае з паведамлення ўстановы, звязаная з крадзяжамі пры будаўніцтве навучальнага цэнтра ў Кемераўскай вобласці, якое курыраваў Стрыгуноў. Кантракт на ягонае будаўніцтва быў заключаны яшчэ ў 2014 годзе.

Навучальны цэнтр, як паведамляецца, пабудаваны не быў, шкода дзяржаве склала блізу двух мільярдаў рублёў. Таксама Стрыгунова абвінавачваюць у атрыманні ў 2012–2014 гадах хабару ад прадстаўнікоў камерцыйных арганізацый памерам больш як 66 мільёнаў рублёў. Не паведамляецца, ці прызнае ён віну.

Стрыгуноў быў адным з камандзіраў унутраных войскаў МУС, пасля іх пераўтварэння ў Расгвардыю перайшоў у гэтую структуру. Яму было прысвечана адно з расследаванняў Новасібірскага штаба Аляксея Навальнага – актывісты сцвярджалі, што ягоная жонка валодае дарагой нерухомасцю.

У 2023 годзе Стрыгуноў быў зняты з пасады першага намесніка кіраўніка Расгвардыі Віктар Золатава, стаўшы ягоным дарадцам. Уключаны ў санкцыйныя спісы шэрагу краінаў – у сувязі з удзелам Расгвардыі ў расейскім уварванні ва Украіну.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com