«80% такіх ферм у Беларусі»

Відэа з каровамі ў гразі ў Добрушскім раёне распаўсюдзілася ў сацсетцы.

У сацсетках заспаўсюдзілася відэа, як сцвярджаецца, з фермы ў вёсцы Антонаўка Добрушскага раёна. На роліках бачныя каровы ў загоне, якія ходзяць па гразі і гною.

Ролікі з'явіліся дзень таму і былі выкладзеныя з ананімнай стронкі. Ферма ў вёсцы Антонаўка сапраўды ёсць - яна належыць дзяржпрадпрыемству ААТ «Чырвоная Буда» і амаль не згадваецца ў сеціве. Тэлефоны гаспадаркі недаступныя - магчыма, адключаныя.

Вядома, што ў 2018 годзе на гэтым прадпрыемстве КДК знайшоў масавыя парушэнні: нястача жывёлы, прыпіскі прыбаўкі вагі, завышэнне аб'ёмаў вытворчасці, скрыўленне справаздачнасці.

Якасць кантэнту і адсутнасць падрабязнасцяў не дазваляе верыфікаваць відэа і пацвердзіць, што яно знята менавіта на гэтай ферме. Таму «Флагшток» зрабіў агляд каментароў (у цэлым, іх ужо блізу 3 тысяч), у якіх карыстальнікі сацсеткі падзяліліся сваімі назіраннямі — высветлілася, што праблема агульная для многіх сельгаспрадпрыемстваў.

Каментатары падзяліліся: некаторыя не вераць, што «такое магчыма ў Беларусі», але большасць сцвярджаюць, што падобная сітуацыя — паўсюль. Некаторыя адзначаюць, што ўмовы ўтрымання буйной рагатай жывёлы на адкрытых загонах пагоршылі дажджы.

Карыстальнікі сцвярджаюць:

"Добрушскі раён увесь такі"

"80% такіх ферм у Беларусі"

"Такое бязладдзе дзеецца ў многіх гаспадарках, у Рагачоўскім раёне (у бок Доўска) амаль паўсюдна! На паперы пішуць, што ўсё добра і гладка, а напраўду ўсё да слёз!"

“У мяне ў вёсцы такая ж ферма ёсць, пасля дажджоў каровы па вымя так плаваюць".

"Калінкавіцкі раён, Замосце, тое ж самае".

“Я таксама такое назіраў, пакуль не абгарадзілі бетонным парканам ад старонніх вачэй! Вёска Зарэчча, Мікалаеўскі сельскі савет Светлагорскага раёна"

У каментарах таксама падаюцца адрасы ў іншых абласцях Беларусі.

Пасыл многіх каментатараў, а таксама самога аўтара відэа — каб гэта “дайшло да Лукашэнкі”. У рэпліках адзначаюць, што ён добра ведае пра агульную сітуацыю, а на публіку ладзіць “паказуху”.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com