У Эстоніі прайшоў другі з'езд беларускіх навукоўцаў Еўропы

Падрабязнасці.

У Эстоніі адбыўся другі з'езд беларускіх навукоўцаў «Вялікі Воз», удзел у якім узялі больш за дваццаць даследчыкаў з Польшчы, Швэйцарыі, Нямеччыны, Літвы, Францыі, Італіі, Вялікай Брытаніі і Эстоніі.

У праграме былі навуковыя даклады, нефармальныя дыскусіі і тэхнічныя варкшопы. Беларускія навукоўцы абмяркоўвалі праблемы ў эміграцыі, магчымасці стварэння праектаў мірнай навукі і пытанні этыкі ў даследаваннях. Асобны блок быў прысвечаны стварэнню і развіццю беларускамоўных STEM-праектаў, паведамляе «Еўрарадыё».

Сваёй мэтай арганізатары ставяць стварэнне прасторы для беларускіх навукоўцаў, якія былі раскіданыя па свеце, каб запускаць супольныя адукацыйныя і даследчыя праекты.

- Гэта стратэгічны інструмент для захавання і развіцця беларускага інтэлектуальнага і тэхналагічнага патэнцыялу за межамі краіны, універсальная пляцоўка для абмеркавання інавацый, міждысцыплінарнага супрацоўніцтва і ўмацавання адзінства беларускай акадэмічнай супольнасці, - адзначаюць арганізатары.

На з'ездзе былі прадстаўнікі такіх дысцыплін, як клеткавая біялогія, археалогія і археагенетыка, геноміка, астрафізіка, арганічная хімія, матэрыялазнаўства, сацыяльная экалогія

З'езд арганізавала Згуртаванне беларускіх суполак Эстоніі пры падтрымцы агенцтва ESTDEV.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com