Першаму намесніку кіраўніка БЧ прысудзілі 11 гадоў калоніі

Дома ў Дулуба знайшлі тры мільёны даляраў.

У Менску абвясцілі прысуд былому першаму намесніку начальніка Беларускай чыгункі Пятру Дулубу, у якога пры ператрусе знайшлі амаль 3 мільёны даляраў.

Топ-мэнэджара абвінавачвалі ў атрыманні хабару ад прадстаўнікоў камерцыйных арганізацый. Як заяўляла следства, Дулуб за хабар арганізаваў транзіт вугалю з Казахстана ў Польшчу праз тэрыторыю Беларусі, «пралабіяваўшы інтарэсы прыватнай кампаніі». Таксама ён неаднаразова атрымліваў хабар за перадачу камерцыйным структурам у карыстанне вагонаў, якія належаць Беларускай чыгунцы.

Са звестак Генпракуратуры за час сваёй дзейнасці першы намеснік начальніка БЧ атрымаў ад прадстаўнікоў чатырох транспартна-экспедыцыйных кампаній больш за 600 тысяч даляраў (у эквіваленце).

Суд Заводскага раёна Менска прысудзіў яго да 11 гадоў пазбаўлення волі з максімальна магчымым штрафам — пяць тысяч базавых адзінак (210 тысяч рублёў). Таксама Дулуба пазбавілі права займаць пасады, звязаныя з выкананнем арганізацыйна-распарадчых і адміністрацыйна-гаспадарчых абавязкаў, на 5 гадоў.

Адзін год пазбаўлення волі яму скасавалі ў адпаведнасці з цяперашняй амністыяй.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com