Беларусы знайшлі ўнікальны самаробны аўтамабіль

Цяпер спрабуюць аднавіць яго гісторыю.

Вядомыя ў колах аматараў рэтратэхнікі браты Гапановічы (яны ж — арганізатары буйных тэматычных фестываляў «Кола часу», «Залатая міля» і г. д.) падзяліліся сваёй незвычайнай знаходкай. Ім перадалі ўнікальны самаробны аўтамабіль, сабраны невядомым беларусам.

Цяпер Алег і Віталь спрабуюць аднавіць гісторыю аўто і просяць аб дапамозе, піша «Онлайнер».

- У аўтамабілі выкарыстаны рухавік ад матацыкла, а дакладней - ад першых мадэляў М-72 (гэта савецкі цяжкі матацыкл, копія нямецкага BMW R71. - Заўв.). Гэта сведчыць аб тым, што аўто, магчыма, сабранае ў 50-я гады. Усталяваныя прыборы ад «Палутаркі» (грузавіка ГАЗ-АА), некаторыя дэталі — авіяцыйныя. А падвеска - наогул штосьці ўнікальнае. Пярэдняя і задняя частка, відаць, завадскога выканання. Ёсць меркаванне, што яна ад нейкага даваеннага аўтамабіля, але ўстанавіць гэта пакуль не здолелі, — расказвае Алег Гапановіч.

Ёсць меркаванне: аўтамабіль «родам» з Віцебскай вобласці. Гапановічам аб гэтым аўтамабілі стала вядома ад сяброў. Чалавек па імені Валянцін, у руках у якога знаходзілася самаробка, амаль нічога не змог пра яе распавесці.

- Сябар Валянціна папрасіў аўто перавезці і патрымаць у сябе нейкі час. Аднак пазней ён памёр. Дзе гэты сябар узяў аўтамабіль, ніхто не ведае - нават яго сваякі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com