Амаль 40 дэпутатаў Дзярждумы РФ перапісалі актывы на таемных чальцоў сям'і

Каб вывесці маёмасць і бізнэс-актывы ад дэкларавання.

Адразу 39 дэпутатаў Дзярждумы РФ хаваюць свае рэальныя стасункі і чальцоў сем'яў, каб вывесці маёмасць і бізнэс-актывы ад дэкларавання, піша The Insider . На таемных сужэнцаў, палюбоўнікаў і палюбоўніц запісаныя элітныя кватэры, замежная нерухомасць, дзелі ў кампаніях і шматмільярдныя бізнэс-праекты.

Тон задае спікер Дзярждумы Вячаслаў Валодзін, які аформіў кватэры на 700 млн рублёў на неафіцыйную жонку Яну Валодзіну (Палікін), маці траіх яго дзяцей. Падобная сітуацыя з вядомай дэпутаткай Ірынай Яравой – пасля разводу з Віктарам Аляксеенкам яе муж набыў дзве кватэры больш за 200 м² у маскоўскім ЖК «Карамель». Дэпутат з Чачні Адам Дэлімханаў выключыў з дэкларацыі жонку Разіту, на якую запісаная элітная нерухомасць у Маскве.

Дарагую нерухомасць у сталіцы на сотні мільёнаў рублёў таксама могуць хаваць Ігар Ігошын (79,5 кв. м кватэру на вул. Цвярская і складскі комплекс), Алег Валянчук (апартаменты ў ЖК «Сафійскі» з відамі на Крэмль), Дынар Гільмутдзінаў (памяшканне 212 кв. м у Маскве за 53 млн кв.), Андрэй Дарашэнка (129 кв. м квартыра ў «доме на Масфільмаўскай» за 100 млн рублёў), Арцём Кір'янаў (182 кв. м. каля метро Беларуская ў Маскве), Алег Мацвейчаў (108 кв. м ЖК «Калізей»), Іван Саладоўнікаў (92 кв. м у ЖК «Збор клубных дамоў West Garden»), Міхаіл Старшынаў (чатыры апартаменты ў ЖК «Тэатральны Дом» плошчай 424 кв. м за 500 млн рублёў) і Таццяна Буцкая (чатыры аб'екты ў Маскве, у тым ліку 95-метровая кватэра ў ЖК Union Park).

Многія такім чынам хавалі не толькі кватэры, але і бізнэс. Ірэк Багуслаўскі супольна з Наталляй Клячынай валодае групай «Нэфіс». Віктар Ігнатаў перадаў Алене Працэнцы актывы ў будаўніцтве, IT, аграрнай сферы і сферы забаваў, у тым ліку паркі ў Новасібірску, Маскве і Самары, а потым фірмы жонкі фінансавалі ягоную выбарчую кампанію. Таксама знік з дэкларацыі бізнэс Аляксея Ткачова з прыбыткам больш за 1 млрд рублёў.

Частка таемных партнёраў дэпутатаў звязаная з дзяржкантрактамі. Уладзіслаў Рэзнік перадаў Дыяне Гіндзін замежныя актывы ў ЗША і Дубаі, а ў Расеі – 7,5% у «НВА ІТС» з партфелем дзяржкантрактаў на 14,5 млрд рублёў. Ігар Ананскіх перадаў Марыне Войтавай бізнэс, які атрымаў дзяржкантракты Міністэрства аховы здароўя. Так сама зрабіў Артур Таймазаў (кватэры на 500 млн рублёў і кампаніі з падрадамі ў РЧ і метро), Генадзь Панін (дзелі ў кампаніях з гандлёвымі цэнтрамі, рэстаранамі і пастаўкамі рэагентаў) і Зураб Макіеў (кампаніі з дзяржкантрактамі на мільярды і кватэры ў Маскве: 299 кв. м у ЖК Astris і 115 кв. м у «Залатых Ключах 2» на 700 млн рублёў).

Яшчэ адна група дэпутатаў магла хаваць замежную нерухомасць, пераважна ў Дубаі. Андрэй Скоч аформіў на Алену Ліхач тры кватэры ў Маскве: 404 кв. м на Новым Арбаце і 399 кв. м у ЖК Knightsbridge Private Park за 1,3 млрд рублёў. Таксама Ліхач атрымала дубайскую нерухомасць у гатэлі BVLGARI на 8 млрд рублёў. Бекхан Агаеў запісаў на Маліку Садулаеву нерухомасць у Дубаі і 147-метровую кватэру ў Маскве. Рыгор Анікееў больш за 10 гадоў жыве з Ірынай Купаравай, якая валодае кватэрай плошчай 251,7 кв. м у ЖК «Малая Нікіцкая» коштам 500 млн рублёў, прэстыжнымі аўтамабілямі і дубайскай нерухомасцю – дзвюма кватэрамі ў Serenia Residences The Palm за 700 млн рублёў.

Таксама замежнымі аб'ектамі валодаюць партнёры: Уладзіміра Кошалева (апартаменты ў Дубаі і 109 кв. м у Маскве), Рызвана Курбанава (7 аб'ектаў у Дубаі на 2,5 млрд рублёў і 219 кв. м у ЖК «Кутузаўская Рыўера» за 130 млн рублёў) Four, Zada Tower, Ellington House III і інш. коштам 3,8 млрд рублёў, Каплана Панеш (кватэры ў Маскве на 117 млн рублёў, памяшканне за 250 млн, апартаменты ў Дубаі коштам больш за 1 млрд рублёў і нерухомасць у Партугаліі), Віктара Пінскага (чатыры кватэры ў Маскве і апартаменты ў Дубаі за 165 млн рублёў).

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com