Трамп заявіў, што ў выпадку няўдачы перамоваў з Пуціным ён сыдзе

Прэзідэнт ЗША таксама расказаў, што можа яго засмуціць на сустрэчы з дыктатарам РФ.

Прэзідэнт ЗША Дональд Трамп заявіў, што ў выпадку няўдачы перамоваў з расейскім дыктатарам Уладзімірам Пуціным ён вернецца дадому. Пра гэта ён заявіў у каментары Fox News.

«Калі сустрэча з Пуціным пройдзе няўдала, я пайду», – заявіў ён журналісту Брэту Баеру.

Трамп дадаў, што настроены аптымістычна.

«Мы накіроўваемся на сустрэчу з прэзідэнтам Пуціным на Аляску, і я думаю, што ўсё пройдзе вельмі добра – а калі не, то я вельмі хутка вярнуся дадому», – сказаў амерыканскі лідар.

На борце самалёта Air Force One прэзідэнт ЗША Дональд Трамп заявіў журналістам, што будзе «не рады», калі паводле вынікаў сустрэчы з Пуціным на Алясцы не будзе дасягнутае пагаднення аб спыненні агню паміж Украінай і Расеяй.

«Я хачу хуткага спынення агню. Я не ведаю, ці здарыцца гэта сёння, але буду засмучаны, калі гэта [здарыцца] не сёння», – сказаў ён.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com