Індыя тэрмінова набыла нафту ў ЗША

Нью-Дэлі рыхтуецца да другасных санкцый з боку Трампа

Найбуйнейшы нафтаперапрацоўшчык Індыі — кампанія Indian Oil Corporation — закупіла 7 мільёнаў барэляў нафты з пастаўкай у верасні. Гэта звязана са скарачэннем закупак расейскай нафты праз санкцыі, паведамляе Reuters.

Паводле крыніц, Indian Oil Corporation набыла 4,5 мільёна барэляў амерыканскай нафты, 500 тысяч барэляў канадскай Western Canadian Select і 2 мільёны барэляў нафты Das, якая здабываецца ў Абу-Дабі.

У тэндары, што закончыўся 1 жніўня, пастаўшчыкамі амерыканскай нафты выступілі кампаніі P66, Equinor, Mercuria і Vitol. Кампанія Trafigura паставіць 2 мільёны барэляў маркі Das.

Цана ўгоды не раскрываецца. Крыніцы не былі ўпаўнаважаныя размаўляць з прэсай і пажадалі застацца ананімнымі.

Як удакладнілі дзве крыніцы, высокія аб'ёмы закупак звязаныя з частковай заменай паставак з Расеі. Індыя застаецца найбуйнейшым пакупніком расейскай нафты, якая транспартуецца морам.

Аднак у апошнія тыдні дзяржаўныя НПЗ краіны, уключаючы IOC, HPCL, BPCL і MRPL, прыпынілі закупкі нафты з Расеі. Прычына — скарачэнне коштавай розніцф і геапалітычны ціск.

Раней прэзідэнт ЗША Дональд Трамп пагражаў краінам, што купляюць нафту ў Масквы, 100-адсоткавымі другаснымі тарыфамі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com