СБУ злавіла «крата» ў шэрагах Мінабароны Украіны

Ён перадаў РФ звесткі аб вайсковай частцы.

Работнікі СБУ выкрылі агента ў Дзяржспецтрансслужбе Міністэрства абароны Украіны, які працаваў на расейскую вайсковую выведку.

Пра гэта паведамляе тэлеканал Службы бяспекі Украіны (СБУ).

Як адзначылі ў СБУ, затрыманне адбылося яшчэ на этапе, калі фігурант праходзіў агульнавайсковую падрыхтоўку на палігоне.

Паводле звестак расследавання, вайсковец быў завербаваны акупантамі адразу пасля мабілізацыі ў адпаведнае падраздзяленне. Ён трапіў у поле зроку ГРУ РФ праз свае прарасейскія каментары ў сацсетках.

«Галоўнай задачай агента было карэктаванне паветраных нападаў РФ па сілах абароны ў Днепрапятроўскай вобласці», - гаворыцца ў паведамленні.

Задакументавана, што здраднік перадаваў праз мэсэнджар каардынаты вайсковай часткі, дзе праходзіў падрыхтоўку, а пасля пачаў збіраць выведвальныя звесткі ў іншых фармаваннях украінскіх Сіл абароны. Звесткі пасылаў куратару ў выглядзе пазнак на Google-картах з падрабязнымі апісаннямі цэляў.

У рамках спецаперацыі СБУ затрымала агента, канфіскавала тэлефон з доказамі шпіёнскай дзейнасці і прыняла меры ў абароне баявых пазіцый УСУ ў зоне выведвальнай актыўнасці РФ.

Мужчыну абвешчана падазрэнне па ч. 2 арт. 111 УКУ — дзяржаўная здрада ва ўмовах вайсковага становішча.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com