Што будзе, калі Індыя і Кітай перастануць купляць расейскую нафту?
2- 7.08.2025, 11:01
- 2,382
Для Масквы скарачэнне паставак будзе балючым ударам.
Прэзідэнт ЗША Дональд Трамп узмацніў ціск на Індыю і Кітай праз іх закупкі расейскай нафты, якая застаецца асноўнай крыніцай даходу Масквы, піша Deutsche Welle (пераклад - сайт Charter97.org).
Вашынгтон пагражае ўвесці другасныя санкцыі супраць краін і кампаній, якія супрацоўнічаюць з Расеяй, а таксама абвясціў аб дадатковай 25% мыце на індыйскія тавары — праз рост імпарту расейскай нафты ў Індыю. Нью-Дэлі назваў гэтыя меры "несправядлівымі”і “неабгрунтаванымі”. Індыйскія закупкі выраслі ў 19 разоў з 2021 да 2024 год — да 1,9 млн барэляў на дзень.
Калі Індыя саступіць ціску і скароціць аб'ёмы, гэта можа выклікаць новы энэргетычны шок. Страта да 5 млн барэляў на дзень расейскага экспарту можа прывесці да ўсплёску коштаў нафты — да $110-120 за барэль, што падштурхне сусветную інфляцыю.
Кітай, наадварот, можа пазбегнуць санкцый — з-за маштабаў гандлю з ЗША ($580 млрд) і ўплыву ў крытычна важных галінах, такіх як пастаўкі рэдказямельных металаў. Аднак кітайскія банкі ўжо пачынаюць абмяжоўваць транзакцыі з Расеяй.
Для Масквы скарачэнне паставак у Індыю будзе балючым ударам. Паводле ацэнак аналітыкаў, Нью-Дэлі зэканоміў да $ 33 млрд на таннай расейскай нафце. Але Расея ўжо шукае альтэрнатыву, пашыраючы экспарт у Турцыю і іншыя краіны Азіі.
Экспэрты мяркуюць, што Індыя можа скараціць закупкі, але цалкам ад іх не адмовіцца — занадта вялікая залежнасць ад даступнай энэргіі. Сцэнар поўнай ізаляцыі Расеі ад індыйскага і кітайскага рынкаў пакуль малаверагодны, але наступствы ўзмацнення жорсткасці санкцый ужо адчуваюцца на глабальных рынках.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
