Зяленскі ўвёў санкцыі супраць «Расатама» і ключавых энэргетычных структураў РФ

У спіс патрапілі 35 фізічных і юрыдычных асобаў.

Прэзідэнт Украіны Уладзімір Зяленскі падпісаў указы, якія ўводзяць новыя персанальныя і сектаральныя санкцыі супраць 35 фізічных і юрыдычных асобаў, звязаных з дзяржкарпарацыяй «Расатам» і энэргетычнымі кампаніямі РФ.

Пра гэта паведамляе РБК-Украіна са спасылкай на ўказы кіраўніка дзяржавы №594/2025, №595/2025 і на заяву журналістам упаўнаважанага прэзідэнта ў пытаннях санкцыйнай палітыкі Уладзіслава Уласюка.

8 жніўня Рада нацыянальнай бяспекі і абароны Украіны прыняла пастанову аб увядзенні новых спецыяльных санкцый супраць расейскай карпарацыі «Расатам» і яе глабальнай інфраструктуры.

Гэтыя захады зацверджаныя ўказамі прэзідэнта Украіны №594/2025 і №595/2025.

«Расатам»

Санкцыі ахопліваюць 18 фізічных і 17 юрыдычных асобаў, якія маюць дачыненне да спробаў інтэграцыі Запарожскай АЭС у энэргасістэму РФ, удзелу ў захопе Чарнобыльскай АЭС, вытворчасці і абслугоўванні ядзернага абсталявання падвойнага прызначэння, а таксама экспарту ўзбагачанага ўрану праз даччыныя кампаніі ў Еўропе.

Сярод ключавых фігурантаў спісу – Мікіта Канстанцінаў, намеснік генеральнага дырэктара АТ «Канцэрн Расэнэргаатам», а таксама кампаніі Uranium One Holding N.V. (Нідэрланды), Rosatom Finance Ltd (Кіпр) і АТ «Кіраў-Энэргамаш» (РФ).

Уласюк адзначае, што пашырэнне санкцыйнага ціску на «Расатам» з'яўляецца неад'емнай часткай барацьбы за абмежаванне доступу РФ да крытычных ядзерных тэхналогій і фінансавання.

Сінхранізацыя

Паралельна прадаўжаецца сінхранізацыя санкцый з ключавымі міжнароднымі партнёрамі.

Украіна ўжо цалкам сінхранізавала з ЗША санкцыі, прынятыя ў 2025 годзе, якія накіраваныя на энэргетычны і ваенна-прамысловы комплексы Расеі, а таксама на сеткі пасярэднікаў у трэціх краінах.

У санкцыйныя спісы ўвайшлі даччыныя кампаніі «Газпрамнафты» ў Расеі, Казахстане, Таджыкістане, Кыргызстане, а таксама аператары ценевага флоту РФ і трэйдары, якія абыходзяць коштавыя абмежаванні на нафту.

Сярод іншых мэтаў – кампаніі-вытворцы абсталявання для ВПК Расеі ў РФ, Кітаі, Турцыі, ААЭ і Малайзіі, а таксама фінансавыя і лагістычныя структуры, якія дапамагаюць абыходзіць санкцыі.

Украіна заяўляе пра гатоўнасць да далейшай каардынацыі з міжнароднымі партнёрамі для ўзмацнення санкцыйнага рэжыму і мінімізацыі рызыкаў яго абыходу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com