Еўразвяз паабяцаў падтрымліваць беларусаў на шляху да дэмакратыі «столькі, колькі спатрэбіцца»

Рэжым Лукашэнкі чакаюць новыя санкцыі.

Высокая прадстаўніца Еўрапейскага Звязу ў замежных справах і палітыцы бяспекі Кая Калас і еўрапейская камісарка ў пытаннях пашырэння Марта Кос 9 жніўня выступілі з супольнай заявай з нагоды пятай гадавіны фальсіфікацыі прэзідэнцкіх выбараў у Беларусі.

У заяве падкрэсліваецца, што рэпрэсіі, якія прадаўжаюцца ў Беларусі, «непрымальныя і павінны спыніцца». Прадстаўніцы ўладаў Еўразвязу таксама заклікалі Менск «неадкладна вызваліць усіх палітычных зняволеных, спыніць рэпрэсіі і ўвайсці ў інклюзіўны нацыянальны дыялог».

«Разгром грамадзянскай супольнасці, які прадаўжаецца, павінен спыніцца. Беларусь таксама павінная спыніць падтрымку незаконнай вайны Расеі супраць Украіны», – гаворыцца ў заяве.

Кая Калас і Марта Кос заявілі, што «цалкам салідарныя з народам Беларусі» і прадоўжаць «уводзіць санкцыі ў дачыненні да тых, хто заціскае дэмакратыю і парушае правы чалавека».

«ЕЗ будзе падтрымліваць народ Беларусі на яго шляху да дэмакратыі столькі, колькі спатрэбіцца», – падкрэслілі яны.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com