Ларыса Шчыракова: Не ўяўляю сабе жыцця без Беларусі

Экс-палітвязніца не здолела стрымаць слёзы падчас размовы з журналістамі.

11 верасня ў Беларусі былі вызваленыя і прымусова дэпартаваныя ў Літву 52 палітвязні. Вызваленне палітвязняў стала магчымым пасля сустрэчы ў Мінску Аляксандра Лукашэнкі з пасланнікам прэзідэнта ЗША Джонам Коўлам. Ён таксама паведаміў, што ЗША здымаюць санкцыі з «Белавіі».

Сярод вызваленых палітвязняў — 9 журналістаў. Але многія журналісты засталіся ў зняволенні. Сярод тых, хто выйшаў на волю 11 жніўня, — журналістка Ларыса Шчыракова. Журналісты «Белсата» паразмаўлялі з ёй пасля вызвалення.

«Я хацела вярнуцца дадому. Я не ўяўляю сабе жыцця без Беларусі. Я хачу там жыць. Я думаю, гэта вельмі жорстка, што я насамрэч адбыла ўвесь тэрмін, тры гады, а цяпер мяне яшчэ выслалі, а ў мяне тут нічога няма, ні сваякоў. Калонія на Антошкіна знаходзіцца ў Гомелі, толькі б адчыніць браму — і праз паўгадзіны я была б дома. Я ўжо лічу, што гэта падвойнае пакаранне: пазбаўленне волі, а цяпер гэтая высылка. Я насамрэч хачу дадому», — сказала Ларыса Шчыракова скрозь слёзы ў каментары журналістам.

Ларыса Шчыракова — вядомая гомельская журналістка і праваабаронца, асуджаная на 3,5 года пазбаўлення волі па двух артыкулах Крымінальнага кодэкса — «Садзейнічанне экстрэмісцкай дзейнасці» і «Дыскрэдытацыя Беларусі».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com