Ірына Слаўнікава: Спадзяюся, мы разам дастанем усіх палітвязняў з беларускіх турмаў

Былая палітвязніца-журналістка дала першы каментар на волі.

Удзень 11 верасня вызвалілі і дэпартавалі з Беларусі 52 палітвязняў. Адзін з іх — Мікалай Статкевіч — адмовіўся пакідаць Беларусь. Астатнія прыбываюць у Вільнюс.

Сярод вызваленых была і журналістка Ірына Слаўнікава, якая працяглы час працавала на «Белсаце», пасля перайшла на Польскае тэлебачанне — TVP.

Ірына Слаўнікава распавяла, што са здароўем у яе, на шчасце, усё нармальна: не сапсавалася за гады зняволення.

«Я адчуваю сябе вельмі добра, вельмі ўсім удзячная за тое, што столькі людзей сёння выйшла на волю. Гэта насамрэч такі добры дзень, вызвалілі вельмі важных людзей», — распавяла яна.

«Спадзяюся, што гэты працэс не скончыцца. І мы разам дастанем усіх палітвязняў з беларускіх турмаў».

На пытанне, ці не хацела б яна застацца ў Беларусі, Слаўнікава адказала: «Так». Але выбару не было: яе проста прывезлі ў Літву. Вызваленне было адначасова і чаканым, і не, кажа яна: «У турме ты ўвесь час чакаеш, спадзяешся — і нарэшце гэта адбылося».

Ірыну Слаўнікавую затрымалі ў канцы кастрычніка 2021 года ў Нацыянальным аэрапорце пасля вяртання ў Мінск з адпачынку ў Егіпце разам з мужам Аляксандрам.

Спачатку сужэнцаў абвінавачвалі ў распаўсюдзе «экстрэмісцкіх матэрыялаў», асудзілі на 15 сутак арышту, потым яшчэ на 15. Затым Аляксандра асудзілі яшчэ на 15 сутак, па заканчэнні якіх вызвалілі, ён пакінуў Беларусь. У эміграцыі ён стаў сузаснавальнікам Асацыяцыі родных і былых палітвязняў.

Супраць Ірыны ж распачалі крымінальную справу. Праз 9 месяцаў суддзя Гомельскага абласнога суда Мікалай Доля прысудзіў Ірыне 5 гадоў зняволення, прызнаўшы яе вінаватай у «дзеяннях, якія груба парушаюць грамадскі парадак», і ў «стварэнні экстрэмісцкага фармавання». Суд над журналісткай праходзіў у закрытым рэжыме, Ірына віну не прызнала.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com