Лукашысты прыдумалі навіноўленне для беларусаў з замежным відам на жыхарства

Яно закране і тых, у каго падвойнае грамадзянства.

Беларусаў, якія атрымалі другое грамадзянства або від на жыхарства замежнай дзяржавы, хочуць абавязаць здаваць адбіткі пальцаў пры абмене дакументаў. Гэта прадугледжана праектам змяненняў у закон «Аб дзяржаўнай дактылскапічнай рэгістрацыі», які быў апублікаваны на Нацыянальным прававым партале, піша «Зеркало».

Дакумент быў унесены Саветам Міністраў, прыняты «Палатай прадстаўнікоў» і адабраны Саветам Рэспублікі.

Праект прапануе дапоўніць закон аб дактылскапічнай рэгістрацыі некалькімі пунктамі. Так, напрыклад, прапануецца ўвесці абавязковую дактылскапію пры выдачы або абмене дакументаў для беларусаў старэйшых за 14 гадоў і маладзейшых за 75 гадоў, якія:

- набылі грамадзянства (падданства) замежнай дзяржавы альбо атрымалі від на жыхарства або іншы дакумент замежнай дзяржавы, які дае права на ільготы і іншыя перавагі ў сувязі з палітычнымі, рэлігійнымі поглядамі або нацыянальнай прыналежнасцю, і праінфармавалі пра гэта органы ўнутраных спраў або дыпламатычныя прадстаўніцтвы ці консульскія ўстановы Рэспублікі Беларусь у вызначаным парадку;

- пастаянна пражываюць за межамі Рэспублікі Беларусь і сталі на консульскі ўлік грамадзяне, якія аформілі выезд для пастаяннага пражывання (аформілі пастаяннае пражыванне) за межамі Рэспублікі Беларусь у дыпламатычных прадстаўніцтвах або консульскіх установах Рэспублікі Беларусь.

Акрамя таго, абавязковую дактылскапію прапануюць увесці для замежнікаў і асоб без грамадзянства, якія:

- звярнуліся з хадайніцтвам аб наданні статуса бежанца, дадатковай абароны або прытулку ў Рэспубліцы Беларусь;

- якім прадастаўлена часовая абарона ў Рэспубліцы Беларусь;

- звярнуліся па атрыманне дазволу на часовае або пастаяннае пражыванне ў Рэспубліцы Беларусь.

Папярэдняя версія закона абавязвала здаваць «пальчыкі» толькі замежнікаў і асоб без грамадзянства, якія падлягалі дэпартацыі з Беларусі. У выпадку прыняцця змяненняў гэта патрабаванне будзе пашырана і на тых замежнікаў і асоб без грамадзянства, якія:

- падлягаюць дэпартацыі, высылцы з Рэспублікі Беларусь або перадачы замежнай дзяржаве ў адпаведнасці з міжнародным дагаворам Рэспублікі Беларусь аб рэадмісіі;

- праходзяць памежны кантроль пры перасячэнні імі дзяржаўнай мяжы Рэспублікі Беларусь;

- уключаныя ў Спіс асоб, уезд якіх у Рэспубліку Беларусь забаронены або непажаданы, за выключэннем непаўналетніх, што не дасягнулі 14-гадовага ўзросту, і асоб, якія дасягнулі 75-гадовага ўзросту;

- у дачыненні да якіх упаўнаважанымі службовымі асобамі органаў пагранічнай службы прынята рашэнне аб правядзенні абавязковай дзяржаўнай дактылскапічнай рэгістрацыі ў інтарэсах забеспячэння нацыянальнай бяспекі Рэспублікі Беларусь.

Таксама абавязковую дактылскапію прапануюць увесці для людзей, якія «ў сілу стану здароўя або ўзросту на момант устанаўлення іх асобы не здольныя паведаміць пра сябе звесткі даступнымі для разумення спосабамі, асоб, якія адмаўляюцца паведаміць пра сябе звесткі, або без вестак зніклых (безвесна зніклых), месцазнаходжанне якіх на тэрыторыі Рэспублікі Беларусь устаноўлена».

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com