Дроны СБУ паразілі ключавы экспартны хаб РФ: падрабязнасці
5- 12.09.2025, 21:00
- 18,484
Адгрузка нафты прыпыненая.
Дроны СБУ нанеслі ўдар па найбуйнейшым нафтаналіўным порце РФ у Балтыйскім моры — «Прыморску». У порце і на насоснай станцыі ўспыхнулі пажары, адгрузка нафты прыпыненая.
Пра гэта паведамляе РБК-Украіна са спасылкай на крыніцы ў СБУ.
Гэтай ноччу беспілотнікі Службы бяспекі Украіны паразілі найбуйнейшы расійскі нафтаналіўны порт на Балтыйскім моры, які з'яўляецца канчатковым пунктам Балтыйскай трубаправоднай сістэмы.
«Прыморск» — гэта ключавы хаб для загрузкі «ценявога флоту», з дапамогай якога РФ абыходзіць міжнародныя санкцыі і прадае нафту на знешніх рынках. Праз порт штогод праходзіць каля 60 млн тон нафты, што прыносіць Расіі каля 15 млрд долараў», — адзначыў суразмоўца выдання.
Паведамляецца, што ў выніку паспяховай атакі беспілотнікаў СБУ на адным з суднаў у порце і на насоснай станцыі ўспыхнулі пажары, адгрузка нафты прыпыненая.
Прыблізныя штодзённыя страты бюджэту РФ ад спынення экспарту могуць складаць да 41 млн долараў.
Таксама сіламі СБУ быў паражаны шэраг нафтаперакачвальных станцый РФ:
- «НПС-3»,
- НПС «Андрэапаль»,
- «НПС-7».
Як вядома, яны з'яўляюцца ключавымі элементамі магістральнай трубаправоднай сістэмы, якая забяспечвае пастаўкі сыравой нафты ў порт-тэрмінал «Усць-Луга».
«СБУ першай пачала сістэмна ўводзіць так званыя дронавыя санкцыі супраць расійскай нафтавай галіны. Яны перакрываюць плынь нафтадолараў у бюджэт агрэсара. А паколькі эканоміка РФ трымаецца на нафце — кожны такі «хлопок» б'е па іх здольнасці ваяваць супраць нашай дзяржавы. Гэтыя санкцыі будуць працягвацца да таго часу, пакуль ва Украіне не настане справядлівы мір», — адзначыла інфармаваная крыніца ў СБУ.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
