«Заклікаю: не спыняйцеся, там сядзяць людзі, іх трэба выратаваць»

Мікалай Дзядок распавёў, што насамрэч адбываецца ў беларускіх турмах.

Вызваленыя беларускія палітвязні праводзяць першую прэс-канферэнцыю ў Вільнюсе.

Актывіст анархічнага руху і блогер Мікалай Дзядок выказаў удзячнасць за ўвагу да беларускіх палітвязняў:

- Хачу падзякаваць маім сябрам і паплечнікам па анархічным руху, а таксама краінам Еўразвяза, асабліва Літве і Польшчы.

Вялікі дзякуй таксама Доналду Трампу, які, нягледзячы на аддаленасць сваёй краіны, памятае пра палітвязняў у Беларусі. Свет проста не ўяўляе маштабаў катаванняў і здзекаў над людзьмі ў Беларусі. Калі б я пачаў пра гэта распавядаць, не хапіла б трох канферэнцый.

Я правёў год у штрафным ізалятары, і на маіх вачах дарослыя здаровыя мужыкі літаральна сыходзілі з розуму. Яны проста сярод ночы пачыналі выць і зваць сваю маму. Катаванні — гэта не толькі фізічныя пабоі. Людзей у турмах Беларусі вытанчана даводзяць да знішчэння.

Я заклікаю свет, нягледзячы на вайну ва Украіне, звярнуць на гэта ўвагу. Гэтыя гады ўвойдуць у гісторыю як новыя трыццаць сёмыя. Заклікаю: не спыняйцеся, там сядзяць людзі, іх трэба выратаваць!

Сайт Charter97.org вядзе тэкставую анлайн-трансляцыю канферэнцыі.

Нагадаем, што Дзядок быў затрыманы ў лістападзе 2020 года, затым прысуджаны да 5 гадоў калоніі, дзе супраць яго адкрывалі новую крымінальную справу за «непадпарадкаванне» адміністрацыі, з калоніі пераведзены ў турму.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com