Украіна і Польшча абмеркавалі сумесны выпуск балістычных ракет і дронаў
2- 12.09.2025, 22:02
- 2,512
Кіраўнікі МЗС Польшчы і Украіны правялі сустрэчу.
Украіна і Польшча абмеркавалі планы сумеснай вытворчасці ўзбраенняў, пра гэта паведамілі міністры замежных спраў і абароны Украіны Андрэй Сыбіга і Дзяніс Шмыгаль пасля сустрэч з кіраўніком польскага МЗС Радаславам Сікорскім.
«Мы з міністрам Сікорскім дамовіліся развіваць абарончае ўзаемадзеянне. Гэта стварэнне сумесных вытворчасцей і інвестыцыі ў украінскую прамысловасць, а таксама магчымы сумесны выпуск на тэрыторыі Польшчы», — распавёў Сыбіга на прэс-канферэнцыі з польскім калегам.
«Украіна гатовая дзяліцца з саюзнікамі досведам барацьбы з беспілотнікамі, абменьвацца тэхналогіямі і запускаць сумесныя прадпрыемствы ў межах праектаў Build in Ukraine і Build with Ukraine. У той жа час Польшча зацікаўленая ў сумеснай вытворчасці дронаў і далёкабойных сродкаў, у тым ліку балістычных ракет», — адзначыў Шмыгаль у тэлеграм-канале.
Сам Сікорскі паведаміў, што абмяркоўваў супрацоўніцтва ў абароннай прамысловасці і з прэзідэнтам Украіны Уладзімірам Зяленскім. Міністр, у прыватнасці, згадаў выкарыстанне сродкаў праграмы SAFE (Security Action for Europe). Гэта праграма прадастаўлення членам ЕС крэдытаў на агульную суму €150 млрд для інвестыцый у абарончыя магчымасці.
Як адзначыў Сыбіга, асобна яны абмеркавалі ўзаемадзеянне ў галіне супрацьпаветранай абароны. Тэма стала яшчэ больш актуальнай на фоне сітуацыі з парушэннем паветранай прасторы Польшчы дронамі ў ноч на 10 верасня. Да сустрэчы з Сікорскім кіраўнік МЗС Украіны заявіў, што ў краіну неўзабаве прыбудзе дэлегацыя польскіх вайскоўцаў, каб пераняць у ўкраінцаў досвед адбіцця атак БПЛА, перадае РБК-Украіна.
Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe
Звязацца з намі можна праз адрас charter97@gmail.com
