Украінскі кінарэжысёр Сенцоў стаў камандзірам батальёна ЗСУ

Ён абараняе Украіну са зброяй у руках з 2022 года.

Украінскі кінарэжысёр і сцэнарыст Алег Сенцоў, які з 2014 па 2019 гады быў палітвязнем у Расіі, стаў камандзірам аднаго з батальёнаў Узброеных Сіл Украіны (ЗСУ). Пра гэта стала вядома ўвечары ў суботу, 13 верасня, падчас канферэнцыі YES у Кіеве, перадае агенцтва «Інтэрфакс-Украіна». Сенцоў прызначаны на пасаду камандзіра батальёна ў складзе 47-й асобнай механізаванай брыгады «Магура», удакладняецца ў паведамленні.

Рэжысёр уступіў у склад тэрытарыяльнай абароны Кіева ў сакавіку 2022 года, неўзабаве пасля пачатку паўнамаштабнага нападу Расіі на Украіну. Пазней яго перавялі ў 47-ю брыгаду ЗСУ, дзе ён прайшоў шлях ад камандзіра ўзвода да камандзіра штурмавай роты. Як удакладняе ўкраінскае выданне «Абазрэватель», на гэтай пасадзе ён праслужыў чатыры месяцы, пасля чаго атрымаў новае павышэнне — узначаліў батальён.

За час ваеннай службы рэжысёр неаднаразова ўдзельнічаў у жорсткіх баях, у прыватнасці пад Авдзеўкай, і некалькі разоў быў паранены. У 2023 годзе ён упершыню публічна пацвердзіў, што яго паранілі ў баі і што ён праходзіў лячэнне ў шпіталі. Пазней Алег Сенцоў пасля кантузіі зноў вярнуўся на фронт.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com