У Кітай пачалі прыбываць танкеры з «ценявога флоту» РФ

Адсочаны маршрут і парты прызначэння.

У Кітай прыбыў ужо другі за апошні час расійскі танкер, які перавозіць звадкаваны прыродны газ.

Аб гэтым паведамляе Reuters

Паводле звестак агенцтва, расійскі танкер-газавоз «Васток» стаяў на якары каля тэрмінала ЗПГ у парце Тэшань у паўднёва-заходняй правінцыі Гуансі ў Кітаі. Танкер пад расійскім сцягам з грузам 150 000 кубаметраў ЗПГ быў загружаны на заводзе Arctic LNG 2 у Гыдане на поўначы Сібіры 19 ліпеня.

Гэта другі груз з санкцыянаванага праекта, дастаўлены ў Кітай пасля таго, як напрыканцы жніўня да тэрмінала ЗПГ у Бэйхаі прыбыў танкер Arctic Mulan, які таксама знаходзіцца пад санкцыямі.

Дабыццё ў межах арктычнага праекта пачалося ў снежні 2023 года, аднак пастаўкі газу адстаюць ад графіка праз недахоп газавозаў ледовага класа і заходнія санкцыі.

Arctic LNG 2, 60% акцый якога належаць расійскай кампаніі «Наватэк», павінен быў стаць адным з найбуйнейшых у краіне заводаў ЗПГ з мэтавай магутнасцю 19,8 млн тон у год, але санкцыі азмрочылі яго перспектывы.

Паведамляецца, што цяпер яшчэ два танкеры з расійскім газам прышвартаваныя на паўвостраве Камчатка на Далёкім Усходзе Расіі, а трэці знаходзіцца ў Паўднёва-Кітайскім моры паміж Тайванем і востравам Хайнань.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com