Як выглядае самая танная кватэра Мінска

Гэта «сталінка» побач з метро.

«Онлайнер» шукае найтаннейшую кватэру Мінска. У жніўні гэта званне насіла аднапакаёўка ва Уруччы коштам $52 500 па курсе. Але аб'ява пра яе продаж ужо знікла — магчыма, яна ўсё ж такі знайшла свайго пакупніка. Цяпер самым бюджэтным можна лічыць жыллё на Партызанскім праспекце за $52 900 у эквіваленце.

Перш чым паказаць вам новага рэкардсмена, узгадаем папярэдняга. Кватэра ў хрушчоўцы на вуліцы Уручскай, у пешай даступнасці ад метро. Дом 1969 года, але ўжо паспеў прайсці капітальны рамонт. Аднапакаёўка размяшчалася на апошнім паверсе.

Плошча — 32,3 кв. м. У галоўным пакоі — нічога лішняга: двух'ярусны ложак, канапа і стул каля акна. Сціпла, але жыць можна. А вось ваннай і кухні рамонт не перашкодзіў бы.

Кошт — $52 500 па курсе.

Новы рэкардсмен каштуе на $400 даражэй. Ён знаходзіцца ў трохпавярховай сталінцы, пабудаванай у 1947 годзе. Што гэта значыць? Высокія трохметровыя столі і цагляныя сцены!

Сама кватэра займае крыху больш за 30 «квадратаў», з іх 19 прыпадае на галоўны пакой, 7 — на кухню. Санвузел у кватэры сумешчаны.

Рамонт даволі просты — лінолеум на падлозе, старыя шпалеры на сценах. А ванная відавочна патрабуе дадатковых укладанняў. Затое можна зрабіць усё на свой густ.

Жыллё размяшчаецца проста на Партызанскім праспекце. Да станцыі метро «Аўтазаводская» можна дайсці пешшу.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com