СМІ: Міністр фінансаў ЗША аблаяў чыноўніка матам на вячэры з паплечнікамі Трампа

Скот Бэсэнт пагражаў ударыць у твар дырэктару Федэральнага агенцтва фінансавання жылля ЗША.

Міністр фінансаў ЗША Скот Бэсэнт падчас вячэры з членамі адміністрацыі ЗША пагражаў ударыць у твар дырэктару Федэральнага агенцтва фінансавання жылля ЗША (FHFA) Білу Пултэ. Пра гэта 8 верасня паведаміла Politico са спасылкай на сведку здарэння і яшчэ чатырох інфармаваных пра гэта людзей.

Паводле крыніц, Бэсэнт даведаўся ад некалькіх чалавек, што Пултэ выказваецца пра яго негатыўна перад Трампам.

Гэта выклікала абурэнне ў Бэсэнта.

«Я разаб'ю тваю чортавую пысу!» – заявіў кіраўнік амерыканскага Мінфіна, звяртаючыся да Пултэ.

Паводле суразмоўцаў, знаёмых з сітуацыяй, Пултэ выглядаў збянтэжаным. Напружаную атмасферу давялося змякчыць саўладальніку клуба і фінансісту Аміду Маліку, які ўмяшаўся. Аднак Бэсэнт сказаў Маліку, што той павінен вырашыць, хто пакіне вечарыну, а хто застанецца, у адваротным выпадку ён прыгразіў збіць Пултэ.

Каб згладзіць канфлікт, Малік развёў мужчын, адвёўшы Бэсэнта ў іншую частку клуба, каб ён супакоіўся. Падчас вячэры іх пасадзілі за супрацьлеглыя канцы стала.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com