Акупаваную Расіяй Данецкую вобласць ахапіў паліўны калапс

На запраўках велізарныя чэргі.

Паліўны крызіс, які ўжо ўдарыў па шэрагу расійскіх рэгіёнаў і акупаванай Луганскай вобласці, дабраўся і да Данецкай вобласці. Пра гэта паведаміла Z-прапагандыстка Анастасия Кашеварова. Паводле яе слоў, цяпер на аўтазапраўках у так званых «ДНР» і «ЛНР» утвараюцца велізарныя чэргі, чаканне ў якіх займае па 2–3 гадзіны. «Перакупшчыкі прадаюць літр за 200 рублёў. Літр бензіну 95-га даходзіць да 90 рублёў за літр, а то і вышэй», — скардзіцца яна ў сваім тэлеграм-канале.

Кашеварова адзначае, што прызначаныя Масквой «улады» дакладваюць пра ўстараненне праблем, аднак насамрэч, запэўнівае прапагандыстка, гэта не так. «Пытанне востра стаіць і адносна вайскоўцаў. Вайсковага бензіну таксама няма: калі нешта прывозяць, у першую чаргу запраўляюць эвакуацыйныя групы. Вайскоўцы запраўляюцца на агульных запраўках і пры гэтым за свой кошт», — кажа яна.

Прычынай крызісу сталі рэгулярныя ўдары Украіны па расійскіх нафтаперапрацоўчых заводах і паліўнай інфраструктуры. Паводле падлікаў Reuters, атакі дронаў вывелі з ладу каля 17% перапрацоўчых магутнасцей нафтавых кампаній РФ, а ў жніўні аб'ём тых НПЗ, што прастойваюць, дасягнуў гістарычнага рэкорду — 6,4 млн тон, што складае 23% ад усіх магутнасцей.

На гэтым фоне ў Расіі разгарэўся маштабны паліўны крызіс, які да канца жніўня дакаціўся і да акупаваных тэрыторый. Так, 31 жніўня «Мінтопэнерга „ЛНР“» прызнала адсутнасць бензіну марак АІ-92 і АІ-95 на мясцовых АЗС. Раней з аналагічнымі праблемамі сутыкнуліся Забайкалле і анэксаваны Крым, дзе ўлады вярнуліся да савецкай практыкі продажу паліва па талонах. У Прымор'і з-за дэфіцыту бензіну ўтварыліся кіламетровыя чэргі на запраўках, а на Курыльскіх астравах продаж бензіну і ўвогуле часова спынілі.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com