Трамп абвясціў пра здзелку з Іранам і раскрыў лёс Армузскай пратокі

Гістарычны кампраміс Вашынгтона і Тэгерана «амаль гатовы».

Прэзідэнт ЗША Дональд Трамп заявіў, што пагадненне паміж ЗША і Іранам «у асноўным узгодненае», застаецца толькі фіналізаваць дэталі.

Пра гэта паведамляе РБК-Украіна са спасылкай на заяву Трампа.

Што вядома

Паводле слоў Трампа, пагадненне узгоднена паміж ЗША, Іранам, Саудаўскай Аравіяй, ААЭ, Катарам, Пакістанам, Турцыяй, Егіптам, Іарданіяй і Бахрэйнам. Фінальныя аспекты і дэталі пакуль абмяркоўваюцца і будуць абвешчаныя ў бліжэйшы час.

Размова з Нетаньяху, паводле слоў прэзідэнта ЗША, таксама «прайшла вельмі добра».

Адкрыццё Армузскай пратокі — праз якую раней праходзіла каля 20% сусветнай здабычы нафты і газу — з'яўляецца адным з ключавых элементаў пагаднення.

Перамовы паміж ЗША і Іранам выйшлі на фінальную стадыю. Прадстаўнік МЗС Ірана Эсмаіл Багаі пацвердзіў, што бакі абмяркоўваюць «мемарандум аб узаемаразуменні» як першы этап пагаднення, пасля чаго цягам 30–60 дзён будзе выпрацаваная больш шырокая здзелка па ядзерным пытанні.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com