Зяленскі распавёў, на што хоча патраціць мільярды расійскага алігарха Абрамовіча

Лёс сродкаў ад продажу «Чэлсі» абмяркоўваўся з прэм'ер-міністрам Вялікабрытаніі.

Прэзідэнт Украіны Уладзімір Зяленскі у інтэрв'ю The Guardian прапанаваў выкарыстаць 2,4 млрд фунтаў стэрлінгаў, атрыманыя ад продажу футбольнага клуба «Чэлсі» расійскім мільярдэрам Раманам Абрамовічам, на ўмацаванне ўкраінскай супрацьпаветранай абароны.

Паводле слоў Зяленскага, ён абмяркоўваў з прэм'ер-міністрам Вялікабрытаніі Кірам Стармерам лёс сродкаў, якія застаюцца замарожанымі пасля продажу «Чэлсі» ў 2022 годзе. Брытанскія ўлады раней заяўлялі, што грошы павінны быць накіраваныя на патрэбы Украіны, аднак пытанне іх выкарыстання дагэтуль застаецца нявырашаным.

Украінскі лідар лічыць, што гэтыя сродкі маглі б дапамагчы Кіеву набыць супрацьбалістычныя ракеты для абароны ад расійскіх атак.

«Нам трэба больш бяспекі, і мы спрабуем праз праграму PURL (праграма «Прыярытэтны спіс патрэбаў Украіны», якая дазваляе саюзнікам па НАТА фінансаваць набыццё амерыканскай зброі для Украіны. — Заўв. рэд.) купляць супрацьбалістычныя ракеты ў ЗША. Яны вельмі дарагія, і гэтыя грошы маглі б дапамагчы. Гэта было б справядліва. Расія пачала гэтую вайну. Чаму б не выкарыстаць расійскія грошы?» — заявіў Зяленскі.

Ён расказаў, што падымаў гэтае пытанне і падчас нядаўняй сустрэчы з самім Абрамовічам у Кіеве.

«Ён не прывёз гэтыя грошы з сабой. Я сказаў яму: «Нам патрэбныя вашы грошы», — пажартаваў прэзідэнт Украіны.

Паводле звестак выдання, брытанскія чыноўнікі ўжо рыхтуюцца да магчымага судовага разбору з-за спрэчкі наконт таго, як менавіта павінны быць выкарыстаныя сродкі ад продажу клуба.

Нагадаем, Раман Абрамовіч прадаў «Чэлсі» у маі 2022 года пасля ўвядзення супраць яго брытанскіх санкцый. Сума здзелкі склала каля 2,5 млрд фунтаў стэрлінгаў (каля 3,2 млрд долараў). Грошы былі замарожаныя на спецыяльным рахунку ў Вялікабрытаніі да ўзгаднення механізму іх далейшага выкарыстання.

У маі гэтага года Зяленскі сустракаўся з Абрамовічам у Кіеве. Пазней Financial Times паведаміла, што праз расійскага бізнесмена прэзідэнт Украіны перадаў Уладзіміру Путіну прапанову правесці прамую сустрэчу для абмеркавання спынення вайны.

Сам Зяленскі пацвердзіў факт сустрэчы, растлумачыўшы, што абмяркоўваў з Абрамовічам магчымыя мірныя перамовы і пазіцыю Украіны па Данбасе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com