Мінздароўя знайшло крыніцу інфекцыі ў дзяцей у Барысаве

І ў іншых населеных пунктах Мінскай вобласці.

Санітарна-эпідэміялагічная служба Мінздароўя вывела з абароту прадукцыю ТАА «Біямолпрам» — менавіта яна, як заявілі ў міністэрстве, стала крыніцай інфекцыі ў дзяцей у Барысаве і іншых населеных пунктах Мінскай вобласці.

«Санітарна-эпідэміялагічная служба Міністэрства аховы здароўя завяршае правядзенне санітарна-эпідэміялагічнага расследавання прычын шпіталізацыі дзяцей у Мінскай вобласці. Для прадухілення распаўсюджвання і ліквідацыі эпідэміялагічнай неспрыяльнай сітуацыі, звязанай з прадукцыяй ТАА «Біямолпрам», указаныя прадукты выведзены з абароту», — заявіла намесніца міністра аховы здароўя — галоўны дзяржаўны санітарны ўрач Святлана Нечай.

Нагадаем, 2 і 3 чэрвеня з сімптомамі вострай кішэчнай інфекцыі у бальніцы Барысава звярнуліся 30 дзяцей з 11 дзіцячых садкоў горада. Былі шпіталізаваныя 27 дзяцей з папярэднім дыягназам «востры гастраэнтэрыт» (стан сярэдняй цяжкасці). Трое дзяцей лячыліся на даму. Да 5 чэрвеня ўсе дзеці былі выпісаныя з установы аховы здароўя.

Следчы камітэт узбудзіў крымінальную справу па факце атручвання непаўналетніх у Барысаве. Міліцыя Мінскай вобласці заявіла пра правядзенне праверкі па факце паведамленняў аб атручэнні дзяцей у рэгіёне — там устаноўлена 13 пацярпелых.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com