БелАЗ падаў у суд на расійскага вытворцу

Разгляд справы адбудзецца ў Арбітражным судзе Масквы.

Беларускі вытворца кар'ернай тэхнікі БелАЗ звярнуўся ў расійскія суды з іскамі супраць мясцовых кампаній з-за выкарыстання свайго таварнага знака. Пра гэта сведчаць дадзеныя картатэкі арбітражных судоў РФ, на якія спасылаюцца расійскія СМІ.

Так, кіруючая кампанія холдынгу «БелАЗ-ХОЛДЫНГ» падала пазоў да расійскага выдавецтва «Цэйхгаўз». Беларускі бок патрабуе кампенсацыю за парушэнне выключных правоў на агульнавядомы таварны знак «БелАЗ». Памер заяўленых патрабаванняў складае 50 тысяч расійскіх рублёў (каля 1900 беларускіх рублёў).

Выдавецтва «Цэйхгаўз» выпускае часопіс для мадэлістаў і займаецца продажам зборных мадэляў тэхнікі праз інтэрнэт-краму. У асартыменце кампаніі прадстаўлены і мадэлі тэхнікі БелАЗ. Разгляд справы адбудзецца ў Арбітражным судзе Масквы ў спрошчаным парадку.

Яшчэ адзін пазоў БелАЗ накіраваў супраць расійскай кампаніі «Скейл» з Кастрамскай вобласці. Прадпрыемства займаецца вытворчасцю зборных мадэляў пад брэндам AVD Models і раней прапаноўвала пакупнікам розныя наборы з выкарыстаннем назвы і брэнда БелАЗ.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com