«Як жа крута ўсё гэта гучыць па-беларуску!»

Беларусы падзяліліся ўлюбёнымі выразамі на роднай мове.

Карыстальніца Threads пад нікам anastasyaalekseeva папрасіла сваіх чытачоў назваць улюбёныя выразы беларускай мовы.

Дзяўчына апублікавала фота з сувенірнай крамы, дзе відаць магніты з некаторымі прымаўкамі, такімі, як «не чапай, бо лясне», «а можа так і трэба», «хавайся ў бульбу», «усім бог даў, а нам кінуў», «зяць любіць узяць», «гастры касу», «мар, стварай, кахай», і напісала: «Ох, ужо гэтыя беларускія выразы. А які ў вас самы любімы?»

У адказ яна атрымала больш за 200 каментарыяў. Падпісчыкі назвалі свае ўлюбёныя фразы і выразы. Сайт Charter97.otg прыводзіць некаторыя з іх:

— Адыдзi, бо аднясуць.

— Знік у пошуках ежы.

— З глузду зьехау?

— Здыхлік несмяротны.

— Ёлупень нейкі.

— Не мела баба клопату — купіла парася.

— Цырк на дроце.

— Абяцанкі-цацанкі, а дурню радасць.

— Я ж каб калi дзe каму што якое, я ж ніколi нiдзе нiкому нiчога нiякага, а калi ўжо што якое, дык што тут ужо такога!

— Цi то свiннi елi, цi то шляхта пiравала.

— Соль табе у вочы, памяло у зубы.

— Абышто!

— Усё будзе добра!

— Хай табе лясьне!

— Нешта будзе, яшчэ ніколі не было каб нічога не было.

«Дзякуй усім, я ўжо не магу стрымаць свой смех. Трэба будзе ўсё запісаць і выкарыстоўваць у маўленні. Як жа крута ўсё гэта гучыць па-беларуску!» — падзякавала аўтарка паста сваім падпісчыкам.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com