«Мадзяр»: ЗСУ перакрылі адну з ключавых лагістычных артэрый расейцаў

Грузавы трафік акупантаў толькі за апошнія два тыдні знізіўся больш як на 70%.

Расейскія акупанты забаранілі рух вайсковых грузаў па трасе ад Марыюпаля да Сімферопаля з-за пастаянных удараў украінскіх дронаў.

Пра гэта паведамляе Charter97.org са спасылкай на заяву камандуючага Сіламі беспілотных сістэм Роберта «Мадзяра» Бровдзі.

Ён расказаў, што 7 чэрвеня расейскае камандаванне афіцыйна закрыла для ўласнай вайсковай лагістыкі трасу Р-280, якая праходзіць па часова акупаваных тэрыторыях.

Прычынай такога рашэння сталі сістэмныя атакі ўкраінскіх беспілотнікаў і ўсталяванне агнявога кантролю над гэтым шляхам.

Паводле слоў Бровдзі, цягам апошніх двух тыдняў інтэнсіўнасць перавозак па гэтай дарозе істотна ўпала — на 71%. Калі раней за суткі па маршруце праходзіла каля 3800 варожых грузавікоў, то цяпер гэтая колькасць зменшылася прыблізна да 1100.

У той жа час ён адзначыў, што пра поўную блакаду лагістычных шляхоў расейскіх захопнікаў на гэтым накірунку пакуль гаворкі не ідзе.

Вы можаце падтрымаць сайт Charter97.org наступным чынам:

РАЗЛІКОВЫ МУЛЬТЫВАЛЮТНЫ РАХУНАК ДЛЯ АХВЯРАВАННЯЎ:

Назва банка: Bank Millennium S.A.
Адрас: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Імя ўладальніка рахунку: Fundacja “KARTA ‘97”
рызначэнне аплаты: Darowizna na cele statutowe

Звязацца з намі можна праз адрас charter97@gmail.com