30 апреля 2017, воскресенье, 0:23

Віншаванні ад дзядзькі Рыгора

4
Фота: Сяргей Шапран

У Святы вечар паэт Уладзімір Някляеў адведаў удаву Народнага паэта Беларусі Рыгора Барадуліна.

Аб гэтым Някляеў напісаў у Фэйсбуку:

- У Святы вечар з Сяргеем Шапранам і Вольгай зайшлі да спадарыні Валянціны, жонкі (ніяк не прызвычаюся да таго, што яна ўдава) Рыгора Барадуліна, якая папрасіла перадаць калядныя віншаванні і найлепшыя пажаданні ўсім, хто хацеў бы сёння павіншаваць са святам Рыгора...

З Калядамі!

У ноч калядную збяры


Усіх здарожаных, халодных,


Усіх забытых і галодных,


I раздары свае дары.

Прасі на кут сваіх Дзядоў


Абнашчыцца куццёю поснай,


Каб не шукаць гадзінай познай


У небе памяці слядоў.

Як вогнішча, разварушы


Тугу, што пазірае нема.


I ціха вока Бэтлеема


Узыдзе ў поцемках душы.


Рыгор Барадулін