Алесь Краўцэвіч: У Статуце ВКЛ было больш справядлівасці, чым у сённяшнiм заканадаўстве Беларусi
- 15.11.2018, 20:28
- 8,988
Трэцяму Статуту ВКЛ спаўняецца 430 гадоў.
Выдатны прыклад айчыннай юрыспрудэнцыі, сведчанне чыннага ўдзелу ў развіцці еўрапейскай цывілізацыі. Трэцяму Статуту ВКЛ спаўняецца 430 гадоў. Яго абмеркаванню прысвяцілі ІV Канферэнцыю Цэнтра беларускіх студыяў Варшаўскага ўніверсітэта.
Гаворыць «Радыё Рацыя» кіраўнік установы, прафесар Алесь Краўцэвіч:
– Розніца рэлігійная, розніца этнічная, усё гэта аб’ядноўвалася і нівелявалася тым, што ўсе роўныя перад правам. Якая б не была практыка выканання статута, але несумненна там было больш праўды, справядлівасці, чым у выкананні сённяшняга беларускага заканадаўства.
Статут 1588 года стаў маніфестам самастойнасці Вялікага Княства Літоўскага, якая не была такой пэўнай пасля Люблінскай уніі. Адметна, што ў стварэнні дакумента даследчыкі знаходзяць значны ўплыў кальвінізма і спадчыны Рэфармацыі.
Статут працягваў дзейнічаць нават пасля ліквідацыі Вялікага Княства Літоўскага. Яго дзеянне ў новаствораных губернях Расейскай Імперыі спынілі толькі ў 1831 і 1840 гадах.