Гішпанка атрымала беларускую літаратурную прэмію
2- 15.02.2019, 21:56
- 10,605
Анхэлю Эсьпіносу ўзнагародзілі літаратурнай прэміяй імя Міхася Стральцова.
Прэмія імя Стральцова ўручаецца другі год запар. Яе ідэя належыць удаве літаратара Алёне Стральцовай. Прэмія ўручаецца паэтам, празаікам, літаратурным крытыкам і літаратуразнаўцам, паведамляе «Радыё Свабода».
Гішпанская паэтка, даследчыца-славістка Анхэля Эсьпіноса вывучала літаратуразнаўства на катэдры беларусістыкі Варшаўскага ўнівэрсытэту. У 2011 годзе Эсьпіноса атрымала прэмію «Беларусь у фокусе», у 2015 — выйшла ў фінал паэтычнага конкурсу «Эксьлібрыс».