25 марта 2019, понедельник, 7:29
Вызов для каждого
Рубрики

Паліна Рэспубліка зрабіла кавэр на песьню, якую паслухалі больш за 50 мільёнаў разоў

3
Паліна Рэспубліка

Сьпявачка запісала кліп і беларускамоўны кавэр на «Мокрые кроссы» рэпэра Цімы Беларускіх.

Сьпявачка Паліна Рэспубліка запісала кліп і беларускамоўны кавэр на «Мокрые кроссы» рэпэра Цімы Беларускіх, паведамляе svaboda.org.

Свой кавэр «Мокрых кросаў» Паліна Рэспубліка прысьвяціла:

сваім суседзям;

беларускаму рэпу;

«сваім кросам з „Зары“, якія верай і праўдай перажылі зіму».

Хто такі Ціма Беларускіх?

Рэпэр Ціма Беларускіх зьяўляецца адзіным артыстам беларускага музычнага лэйблу Kaufman. Першы публічны рэліз Цімы Беларускіх выйшаў у 2017 годзе. Сёлета рэпэр выпусьціў першы альбом «Твой первый диск — моя кассета».

На момант публікацыі арыгінал «Мокрых кросаў» паслухалі на Soundcloud амаль 9 мільёнаў разоў, кліп на YouTube сабраў 41 мільён праслухоўваньняў. Сэрвісы для стрымінгу музыкі не публікуюць статыстыку праслухоўваньняў. Вядома, што на «Яндэкс-музыцы» песьня Цімы Беларускіх заняла трэцяе месца ў рэйтынгу найпапулярнейшых трэкаў 2018 году.

Статыстыка пошукавых запытаў «Мокрые кроссы» цягам году паводле сэрвісу Google Trends