4 июня 2020, четверг, 6:43
Сим сим, Хартия 97!
Рубрики

Швейны цэх Купалаўскага тэатру пачаў рабіць маскі для менскай лякарні

4
Швейны цэх Купалаўскага тэатру пачаў рабіць маскі для менскай лякарні
Нацыянальны акадэмічны тэатар імя Янкі Купалы

У швейным цэху тэатру ўжо пашылі 500 масак і плянуюць зрабіць яшчэ больш.

Нацыянальны акадэмічны тэатар імя Янкі Купалы ініцыяваў сацыяльны праект «Нетэатральная маска» для вырабу немэдычных абарончых масак, паведаміла svaboda.org са спасылкай на БелаПАН спэцыялістка ў сувязях з грамадзкасьцю тэатру Паліна Крышчановіч.

У швейным цэху тэатру ўжо пашылі 500 масак і плянуюць зрабіць яшчэ больш. Маскі перададуць у 10-ю гарадзкую клінічную лякарню Менску. Яны не прызначаныя для мэдычнага пэрсаналу, гэта немэдычныя вырабы, дадала Крышчановіч.

Праект рэалізуюць за небюджэтныя сродкі тэатру і пры падтрымцы партнэраў. Купалаўскі таксама заклікае ўсіх неабыякавых дапамагчы грашыма ў набыцьці матэрыялаў для масак, а іншыя тэатры Беларусі — далучыцца да праекту.