8 декабря 2021, среда, 4:19
Сим сим, Хартия 97!
Рубрики

Жыровіцкую школу Качанава перавяла на расейскую мову

29
Жыровіцкую школу Качанава перавяла на расейскую мову

Дзеці і бацькі абураныя

Так званая «старшыня савета рэспублікі» Наталля Качанава часта бывае ў Жыровіцкім праваслаўным манастыры, перадае «Радыё Рацыя».

У адну з апошніх паездак яна наладзіла сустрэчу з выкладчыкамі і навучэнцамі Менскай духоўнай семінарыі ў Жыровічах. Сярод пытанняў, якія прагучалі падчас сустрэчы, было і пытанне-просьба ад святара, выкладчыка духоўнай семінарыі, які пражывае ў Жыровічах, Яўгена Саланкова.

А прасіў спадар Саланкоў, каб вясковую школу ў Жыровічах перавялі на рускую мову, бо па-беларуску, маўляў, ніхто не разумее.

Качанава запісала просьбу Саланкова. І што вы думаеце, з 1 верасня сярэдняя школа ў Жыровічах стала расейскай. Усе прадметы пачалі выкладаць па-расейску.

Але дзеткі, напрыклад, па матэматыцы і сёння пішуць слова «адказ», як пісалі заўсёды. Але настаўніца выкрэслівае слова «адказ» і піша па-расейску «ответ». І гэта ўжо лічыцца памылкай.

Пра гэтыя і пра іншыя праблемы, якія звязаныя з выкладаннем па-расейску, распавядалі самі школьнікі. І яны цяпер з бацькамі незадаволены, што з-за аднаго нейкага Саланкова праз Качанаву, уся беларускамоўная школа ператвараецца ў чужую!

Скачивайте и устанавливайте мессенджер Telegram на свой смартфон или компьютер, подписывайтесь (кнопка «Присоединиться») на канал «Хартия-97».