5 декабря 2022, понедельник, 15:01
Сим сим, Хартия 97!
Рубрики

Дэпутат Бундэстагу напісаў адкрыты ліст Дар’і Лосік

2
Дэпутат Бундэстагу напісаў адкрыты ліст Дар’і Лосік
Робін Вагенэр

Жонка палітвязьня Ігара Лосіка ў кастрычніку апынулася за кратамі.

Дэпутат нямецкага Бундэстагу Робін Вагенэр напісаў адкрыты ліст Дарʼі Лосік, жонцы палітвязьня Ігара Лосіка, якая ў кастрычніку сама апынулася за кратамі.

«Я ад усёй душы жадаў бы, каб цябе асабіста абмінула гэтая несправядлівасьць і каб ты, застаючыся побач з (дачкой. — рэд.) Паўлінай, працягвала змагацца за вызваленьне Ігара. Твая непахісная мужнасьць і твая нязломная воля на працягу ўсяго гэтага часу глыбока краналі мяне і рабілі на мяне глыбокае ўражаньне. Мне хацелася б, каб ты ведала, што я не забыўся і не забуду ніколі ні Ігара, ні цябе, ні Паўліну», — цытуе ліст Вагенэра «Вясна».

«Мая глыбокая павага і ўдзячнасьць, мая салідарнасьць і падтрымка вашай нястомнай прыхільнасьці дэмакратыі і правам чалавека ёсьць нязьменнымі — і яны застануцца такімі. Паўліне патрэбныя бацькі. Беларусі патрэбныя такія сьмелыя дэмакраты, як вы зь Ігарам. Эўропе патрэбная дэмакратычная Беларусь», — піша дэпутат Бундэстагу.

«Ад усёй душы, дарагая Дарʼя, зычу табе ўсіх сіл, неабходных для будучага часу, падзеі якога ніколі не павінны былі адбыцца такім чынам. Я цьвёрда стаю на тваім і вашым баку. Мы ніколі ня спынім выступаць за вашу свабоду», — заключае Робін Вагенэр.

Скачивайте и устанавливайте мессенджер Telegram на свой смартфон или компьютер, подписывайтесь (кнопка «Присоединиться») на канал «Хартия-97».