Шатляндзкі рок-гурт, у якім грае беларус, прасьпяваў, натхніўшыся вершам Купалы

Музыкі з Глазга запісалі кліп.

Беларус Віталь, які жыве ў Шатляндыі — бубнач панк-гурту The Red Lite District. Ён перапрацаваў па-ангельску верш Янкі Купалы «Ня быць скотам», на які музыкі з Глазга запісалі кліп, паведамляе «Радыё Свабода».

Праўда, у англамоўным апісаньні да роліка ў Youtube верш чамусьці названы польскім: «Гэты пякучы альтэрнатыўны рок-трэк пабудаваны вакол мадыфікаванага польскага верша часоў Другой сусьветнай вайны, які перагукваецца з галасамі прыгнечаных і нагадвае нам пра цану жорсткасьці». Аднак у кліпе выкарыстаныя відэакадры зь беларускіх пратэстаў і бел-чырвона-белы сьцяг.

Гітары і рэфрэны гучаць як баявы покліч, які гэтак жа актуальны цяпер, як і тады, гаворыцца ў апісаньні да кліпу. Тэксты песень «задаюць вечныя пытаньні: хто ты? чаго ты хочаш? Яны адлюстроўваюць жаданьне міру, дому і годнасьці, замест гвалту. Brute ня проста перадае гістарычную тугу; ён ператварае яе ў сучасны выклік».

The Red Lite District — панк-гурт з Глазга, які складаецца з чатырох чалавек. За апошнія пяць гадоў гурт запісаў восем альбомаў. Бубначом у ім грае малады беларус родам з Горадні.

Вы можете поддержать сайт Charter97.org следующим образом:

РАСЧЕТНЫЙ МУЛЬТИВАЛЮТНЫЙ СЧЕТ ДЛЯ ПОЖЕРТВОВАНИЙ:

Название банка: Bank Millennium S.A.
Адрес: ul. Stanislawa Zaryna, 2A, 02-593, Warszawa
IBAN: PL97116022020000000216711123
SWIFT: BIGBPLPW
Название владельца счета: Fundacja “KARTA ‘97”
Назначение платежа: Darowizna na cele statutowe

Связаться с нами можно по адресу charter97@gmail.com