25 верасня 2021, Субота, 15:19
Сім сім, Хартыя 97!
Рубрыкі

Над будынкам парламента Крыму паднялі сцяг Расеі

79

Вярхоўную раду Крыма пікетавалі блізу 500 жыхароў Сімферопаля.

Жыхары Крыма, мітынгоўцы супраць новай улады ва Украіне, усталявалі сцяг Расейскай Федэрацыі на будынку Вярхоўнай рады Крыма. Фота падзей выставіў у сацыяльнай сетцы "Фэйсбук" журналіст Алег Кручкоў.

"Расейскі сцяг на франтоне Вярхоўнага Рады Крыма. Людзі скандуюць - "Зняць Трызуб" - падпісаў здымак аўтар.

Вярхоўную раду Крыма пікетавалі з патрабаваннямі прыняць пастановы, якія забяспечваюць аўтаноміі незалежнасць ад цэнтральнай улады Украіны. У прыватнасці, яны патрабуюць ад дэпутатаў вярнуць канстытуцыю 1992 года, правесці рэферэндум аб пытанні статусу Крыма і абараніць крымскі "Беркут". Пратэстоўцы прынеслі сцягі Крыма, Расеі і скандавалі "Расія!" і "Беркут!".

Да людзей выйшаў старшыня ВР аўтаноміі Уладзімір Канстанцінаў і заявіў, што не мае намеру пакідаць Крым і будзе з яго жыхарамі да апошняга. Ён таксама сказаў: "Сёння Кіеў не хоча развязваць нашыя праблемы, таму мы павінны згуртавацца і дзейнічаць рашуча. Сілы ў аўтаноміі і крымчан дастаткова. Неанацызм у Крым не пройдзе. Мы не здрадзім Крыму".

Нагадаем, з некаторых звестак, у Крыме хаваецца былы прэзідэнт Украіны Віктар Януковіч.