Пракурор Стоўбцаў адмовіўся плаціць у рэстарацыі, а калі выклікалі міліцыю, дастаў «ксіву»
45- 21.10.2021, 18:19
- 103,666
Чым скончыўся шабаш ябацькаў?
Як стала вядома «Нашaй Ніве», звольнены з пасады пракурор Стаўбцоўскага раёна Сяргей Грыцук. Гэтую інфармацыю пацвердзіла раённая пракуратура. Грыцук таксама знік з раскладу прыёму на сайце Генпракуратуры.
«Грыцук страціў пасаду праз тое, што нядаўна, пасля аднаго з банкетаў у рэстарацыі, ён адмовіўся плаціць па рахунку, непрыемна здзіўлены канчатковымі лічбамі», - кажуць суразмоўцы «Нашай Нівы». «У выніку ўзнік скандал з выклікам міліцыі, які Грыцук спрабаваў развязаць, дастаўшы пасведчанне».
Начальства не ацаніла метады Грыцука - ён больш не працуе. Новы пракурор пакуль не прызначаны.
Інфармацыі аб Грыцуку ў адкрытым доступе амаль няма. Вядома, што раней ён працаваў у Смалявіцкай пракуратуры.