Банкі Кітая пачалі блакаваць плацяжы з Расеі ў юанях

Пастанову прынялі восем найбуйнейшых крэдытных арганізацый.

Буйныя кітайскія банкі перасталі прымаць плацяжы ў юанях з Расеі і пачалі вяртаць такія транзакцыі кліентам, распавёў "Известиям" гендырэктар АТ "Першая Група" Аляксей Парошын.

Паводле ягоных слоў, сярод тых, хто адмовіўся ад расейскіх плацяжоў, — як мінімум восем крэдытных арганізацый: Ping An Bank і Bank of Nengbo, якія займаюць 13 і 15 месцы ў капіталізацыі, Great Wall West China, Dongguan Rural Commercial, China Guangfa, Kunshan Rural Commercial, Shenzhen Rural. Commercial і China Zheshang.

Таксама юаневыя плацяжы не праходзяць праз банкі з міжнародным удзелам: CitiBank, Standard Chartered Bank, HSBC, JP Morgan, BNP Paribas, Deutsche Bank і Mizuho Bank. Але большасць з іх перасталі праводзіць аперацыі з расейскімі кліентамі яшчэ два гады таму, удакладнілі суразмоўцы "Известий" у банкаўскай сферы.

Кітайскія крэдытныя арганізацыі блакуюць юаневыя аплаты з сярэдзіны студзеня, пацвердзіла крыніца выдання. Ён адзначыў, што новыя абмежаванні выкліканы асцярогамі праз магчымае ўвядзення другасных санкцый і націску з боку ЗША.

Некаторыя банкі апавяшчалі сваіх кліентаў, што яны часова спыняюць праводзіць транзакцыі ў юанях з Расеяй, але афіцыйна не публікавалі гэтую інфармацыю, кажа начальнік аналітычнага аддзела ІЧ "Рыкаў-Траст" Алег Абелеў.

Адмова прымаць плацяжы ў юанях абцяжарыць правядзенне разлікаў для расейскіх кампаній, адзначае заснавальнік Anderida Financial Group Аляксей Тарапоўскі. Паводле ягоных слоў, разлікі могуць быць прадоўжаныя некалькімі спосабамі: праз расейскі банк, плацяжы ад якога яшчэ прымаюць у Кітаі, з дапамогай адкрыцця філіяла кампаніі ў КНР або іншай "прыязнай" краіне, а таксама праз партнёраў у Ганконгу. Пры гэтым блізу 80% расейскіх кампаній, якія рэгулярна працуюць з КНР, ужо адкрылі філіялы ў “прыязных” краінах, якія не падпадаюць пад санкцыі, рэзюмаваў Тарапоўскі.

Да гэтага паведамлялася, што большасць банкаў Кітая спынілі прыём даляравых пераводаў з Расеі, а таксама сталі затрымліваць разлікі з-за дадатковых праверак. Аднак транзакцыі ў нацыянальных валютах працягваліся.

Разам з тым тры з чатырох найбуйнейшых банкаў Кітая перасталі працаваць з падсанкцыйнымі банкамі Расеі - гэта Industrial and Commercial Bank of China (ICBC), China Construction Bank (CCB) і Bank of China. Таксама аперацыі з Расеяй згарнуў найбуйнейшы банк для расейскіх імпарцёраў Chouzhou Commercial.

У Крамлі заявілі, што бачылі публікацыі наконт праблем з разлікамі і паабяцалі абмеркаваць гэтае пытанне ў рамках “шчыльнага дыялогу з кітайскімі сябрамі”.