Да +12°C абяцаюць сіноптыкі ў Беларусі ў пятніцу

Без ападкаў.

Без ападкаў і да плюс 12 градусаў абяцаюць сіноптыкі ў Беларусі 22 сакавіка, паведамілі ў Рэспубліканскім цэнтры гідраметэаралогіі, кантролю радыеактыўнага забруджвання і маніторынгу навакольнага асяроддзя Мінпрыроды.

У пятніцу будзе пахмурна з праясненнямі і пераважна без ападкаў. Толькі ноччу па захадзе, а днём у паўночна-заходніх раёнах пройдуць невялікія дажджы. Уначы і раніцай у некаторых раёнах магчымыя слабыя туман і галалёд. Вецер паўднёвы, паўднёва-заходні 4–9 м/с.

Тэмпература паветра ноччу складзе мінус 3 – плюс 2 градусы, а па захадзе – да плюс 4 градусаў. Днём чакаецца плюс 6–12 градусаў.