У Беларусі набываюць моц важныя змены для кіроўцаў

Ужо з 23 сакавіка.

У Беларусі з 23 сакавіка пачнуць дзейнічаць змены, якія датычацца адміністрацыйных працэдур у сферы дарожнай бяспекі, паведамілі ва УДАІ ГУУС Менгарвыканкама. Змяненні раней унёс указ прэзідэнта (№55 ад 16 лютага 2024-га).

Адна з галоўных навін у тым, што з 23 сакавіка 2024-га беларусам будуць выдаваць новыя пасведчанні кіроўцы ўжо на 20 гадоў. Пры гэтым тэрмін выдачы пасведчанняў скароцяць з 5 да 3 працоўных дзён. Атрыманыя раней пасведчанні кіроўцы будуць сапраўдныя да ўказанага ў іх тэрміну.

Таксама для аўто, выпушчаных не больш за тры гады таму, допуск да ўдзелу ў дарожным руху павялічылі да трох гадоў. А яшчэ скарацілі тэрмін рэгістрацыі транспартных сродкаў у ДАІ (да 7 працоўных дзён).

Яшчэ зараз беларусам не трэба будзе падаваць дакумент, які пацвярджаў бы законнасць набыцця ТС, калі звесткі аб дзяржрэгістрацыі або натарыяльным пасведчанні дамовы на тэрыторыі Беларусі ёсць у аўтаматызаванай інфармацыйнай сістэме ДАІ.

Пры гэтым цяпер для транспарту, які раней не быў зарэгістраваны на тэрыторыі краін-членаў ЕАЭС, павінен быць аформлены электронны пашпарт транспартнага сродку ў «Белмытсэрвісе». Пры гэтым пры адсутнасці электроннага пашпарта ў рэгістрацыі транспартнага сродку ў Беларусі адмовяць.

- Новы парадак дазволіць скараціць тэрміны чакання гатовых дакументаў, знізіць нагрузку на рэгістрацыйныя аддзелы ДАІ і палепшыць якасць абслугоўвання, - падкрэслілі ў прэс-службе.