Беларусь павысіла кошты масла і малака для Расеі

Новыя кошты пачалі дзейнічаць ужо ад сёння.

Мінсельгасхарч чарговы раз перагледзеў мінімальныя экспартныя кошты мясной і малочнай прадукцыі. Павялічаны кошт сухога цэльнага малака і сметанковага масла. Пастанова МСМ №23 ад 21 сакавіка сёння афіцыйна апублікаваная на Нацыянальным прававым інтэрнэт-партале і пачынае дзеянне з 23 сакавіка.

Кошт малака і вяршкоў, згушчаных, у парашку, гранулах або ў іншых цвёрдых відах, з утрыманнем тлушчу больш за 1,5%, без дадавання цукру ці іншых падсалоджвальных рэчываў для Расеі цяпер складае 335 расейскіх рублёў за кілаграм. Ён павялічаны на 10 расейскіх рублёў за кілаграм.

Мінімальны экспартны кошт алею тлустасцю 80% і больш для расейскага рынку павялічаны на 25 расейскіх рублёў за кілаграм і цяпер складае 610 расейскіх рублёў за кілаграм, а кошт масла тлустасцю ад 72% да 80% – на тыя ж 25 расейскіх рублёў да 560 расейскіх рублёў за кілаграм.