Культавы амерыканскі спарткар ператварылі ў экстрэмальны пазадарожнік
5- 23.03.2024, 12:15
- 3,208
Блогер паказаў, як змяніўся аўтамабіль.
У ЗША ездзіць вельмі незвычайны Dodge Viper першага пакаленні. Знакаміты амерыканскі спарткар ператварылі ў пазадарожнік. Пра аўто расказаў у відэа на Youtube ягоны стваральнік – амерыканскі блогер Мэт Браўн, піша «Фокус».
Ён знайшоў стары Dodge Viper RT-10, аднак стан спарткара не найлепшы. Менавіта таму Мэт Браўн пастанавіў не рэстаўраваць аўто, а ператварыць яго ў аналаг Lamborghini Huracan Sterrato і Porsche 911 Dakar.
Блогер адмовіўся ад ідэі паставіць кузаў Dodge Viper на раму пазадарожніка. Яму давялося кардынальна перарабляць падвеску, карданны вал і задні мост, а таксама ўсталяваць новы дыферэнцыял.
Да таго ж 8,0-літровы V10 на 450 к. с. меў патрэбу ў сур'ёзным рамонце. Перапрацоўка трансмісіі прымусіла нахіліць вялікі рухавік і КПП.
Dodge Viper RT-10 атрымаў вялікія пазадарожныя шыны і сталёвыя бамперы з дугамі. Ягоны кліранс вырас адразу на 30 см. У падвесцы павялічаны ход і ўсталяваныя ўзмоцненыя амартызатары.