Нацбанк устанавіў курсы валютаў на выходныя
- 23.03.2024, 15:16
- 2,082
У якіх банках самыя выгадныя прапановы?
Даляр і еўра на гэтым тыдні то таннелі, то даражэлі на гандлі Беларускай валютна-фондавай біржы. Паглядзелі, якія курсы валютаў устанавілі абменнікі на выходныя, піша «Люстэрка».
Вышэйшы за ўсё курс продажу банкамі даляра – 3,275 рубля («Банк БелЗЭБ»), а ніжэйшы за ўсё – 3,254 рубля («РРБ-Банк», «Статусбанк»).
Удакладнім, што ў розных абменніках аднаго банка курсы валютаў могуць адрознівацца.
Выгадней за ўсё здаваць амерыканскую валюту ў «Банк Рашэнне», «Белгазпрамбанк», «БНБ-Банк», «Парытэтбанк», «РРБ-Банк», «Статусбанк», «Тэхнабанк» – 3,245 рубля.
Самы высокі курс продажу банкамі еўра – 3,57 рубля («Банк БелЗЭБ»), а самы нізкі – у «РРБ-Банк», «Статусбанк» (3,539 рубля).
Еўра найбольш выгадна здаваць у «Статусбанк» – 3,525 рубля.
Курс набыцця банкамі расейскага рубля найвышэйшы ў «Парытэтбанку» – 3,471 рубля за 100 расейскіх рублёў.
Самы высокі курс продажу банкамі расейскага рубля – 3,55 рубля за 100 расейскіх рублёў («Банк БелЗЭБ»), а самы нізкі – 3,487 рубля («РРБ-Банк», «Статусбанк»).