У Беларусі 81 прадпрыемства атрымае субсідыі
3- 23.03.2024, 19:38
- 4,108
Для разлікаў з банкамі.
У Савеце міністраў Беларусі вызначылі спіс прадпрыемстваў, якія могуць разлічваць на субсідзіраванне працэнтных ставак у крэдытах. Гэта вынікае з пастановы беларускага ўрада №204 ад 21 сакавіка 2024 года. Дакумент размешчаны на Нацыянальным прававым партале.
У апублікаваным спісе пазначана 81 беларускае прадпрыемства. Так, на субсідыі могуць разлічваць Аршанскі льнокамбінат, «Слуцкі хлебазавод», «Глыбоцкі малочнакансервавы камбінат». Акрамя таго, у спісе пазначаны «Менскі камбінат хлебапрадуктаў», «Гроднахлебпрам», «Баранавіцкі камбінат хлебапрадуктаў» і шэраг іншых.
Паведамляецца, што памер субсідый быў вызначаны па ўсіх відах дзейнасці. Напрыклад, нарыхтоўшчыкам алейнага семя рапсу прадугледжана субсідыя ў крэдытах сумаю 50 працэнтаў стаўкі рэфінансавання. Што датычыцца прадпрыемстваў спажыўкааперацыі, якія атрымліваюць крэдыты для разлікаў з фізічнымі асобамі і прадпрымальнікамі, то для іх належыць субсідыя ў 50 працэнтаў стаўкі рэфінансавання.